Um Klúbbinn
Golfklúbbur Hraunborga var stofnaður árið 2013
Golfklúbbur Hraunborga var stofnaður árið 2013 og er félagasamtök um golfvöllinn í Hraunborgum í Grímsnes og Grafningshrepp. Rekstur vallarins er á landi Sjómannadagsráðs. Öll vinna í kring um starfsemi vallarins er gerð í sjálfboðavinnu.
Skemmtilegur par 9 Golfvöllur
Golfvöllurinn er skemmtilegur 9 holu, par 3 völlur sem hentar öllum að spila, en á vellinum hafa margir stigið sín fyrstu skref í golfíþróttinni.
Markmið Golfklúbbs Hraunborga
Markmið Golfklúbbs Hraunborga er að stuðla að golfíþróttinni og gefa öllum aldurshópum tækifæri á því að spila þessa frábæru íþrótt fyrir sanngjarnt verð og í skemmtilegum félagsskap.
Golfvöllurinn er opin fyrir öllum, þ.e.a.s. bæði fyrir félagsmenn og aðra áhugasama golfara sem vilja spila staka hringi á vellinum, en verðskrá golfklúbbsins má finna hér gjaldskrá.
Rástímar
Rástíma þarf ekki að panta hjá okkur nema um stærri hópa sé að ræða. Senda skal fyrirspurn á hraungolf@gmail.com til að fá nánari upplýsingar. Lausaganga hunda er stranglega bönnuð á vellinum.
Golfsumarið 2026 munum við halda nokkur mót t.d. Bændaglímu, Tveggja kylfumót, Meistaramót Hraunborga, sjá nánar hér undir mót.
Golfskálinn okkar er við golfvöllinn og þar er salernisaðstaða og pallur með borðum og stólum.
Meðlimir
Meðlimir í golfklúbbi Hraunborga eru nú 200 talsins. Flestir eiga orlofshús í Hraunborgum en félagar koma einnig úr nágrannabyggðum og víða að. Aðild stendur öllum opin.
Hlökkum til að sjá ykkur á vellinum í sumar!
