Meistaramót GKH 2026 fer fram laugardaginn 18 Júlí Keppt verður í þremur flokkum, karla-, kvenna- og unglingaflokki.
Verðlaun verða veitt fyrir efstu þrjú sæti í öllum flokkum fyrir höggleik og punktakeppni.
Hámarksfjöldi keppenda er 72 og fer skráning fram á golfbox.
Ræst verður út frá kl. 08:00 og fram eftir morgni. Mótsdeginum lýkur með verðlaunaafhendingu og grillveislu við skála félagssins.
Kæru meðlimir og aðrir kylfingar.
Sumarsólstöður og sumargleði. Jónsmessumót Golfklúbbs Hraunborga verður haldið laugardaginn 20. júní klukkan 10.00
Teiggjafir og borgarar af grillinu fyrir alla. Við spilum fjögurra manna Texas Scramble og njótum í blíðunni í Hraunborgum.
Mótið er opið fyrir alla og skráning hefst á morgun 16. júní klukkan 13:00 í golfbox.
Því miður er ekki tekið við skráningum annars staðar en í Golfboxinu. Verð aðeins kr. 4500 á mann.
Við hlökkum mikið til að sjá ykkur.
Kveðja Mótanefnd
Opnunarmótið sem halda átti sunnudaginn 24.05.2026 (Hvítasunnudag) fellur því miður niður. Völlurinn er ekki kominn í nægjanlega gott stand og er það mat vallarnefndar að hann er ekki tilbúinn fyrir mót.
Vinnudagur GKH fór fram laugardaginn 9. maí sl. í mildu vorveðri.
Meðlimir komu og hristu fram úr erminni niðursetningu 50 aspa meðfram heimreiðinni að klúbbhúsinu.
Flatirnar voru sandaðar sem og teigar og áburður borinn á.
Svarta perlan var þrifin og snurfusuð og grillað var í lokin.
Við vekjum athygli á að klúbbstarf okkar er skemmtilegt og lifandi. Við vinnum með mottóið að maður sé manns gaman og höldum skemmtileg mót yfir allt sumarið. Hér gefur að lita nokrar skemmtilegar myndir frá síðustu mótun en fyrsta mótið verður haldið Hvítasunnudag 24.05.2026 Það er von okkar að sem flestir sjái sér fært að taka þátt.
Nú standa yfir framkvæmdir við gerð sandþróar við völlinn. Vallarstarf okkar er metnaðarfullt og við höfum á s.l. árum fjárfest í tækjum og tólum til að vera sjálfbær í rekstri vallarins. Nú þegar að frost fór að fara úr jörðu var hafist handa við að grafa fyrir og steypa sandþróna enda viljum við að hægt sé að sanda völlinn þegar að þarf og sinna honum af alúð. Við keyptum nýjan gatara í fyrra, sláttuvél svo ekki sé minnst á róbotinn okkar Robba okkar sem slær völlinn og er óþreytandi, en það er hann Sigurður Ingvar vallarstjóri líka og lætur ekki deigan síða við undirbúning opnunar.
Golfklúbbur Hraunborga er kominn í GSÍ og er það góður áfangi. Nú á vordögum verður völlurinn mældur út og forgjöfin á völlinn verður staðfest. Þegar klúbburinn var stofnaður þann 29. ágúst 2013 var það draumur sporgöngumannana að gera svo. Framtíðin mun svo skera úr um hvort að völlurinn verði stækkaður en nægt er landið til þess og eins menn vita er staðsetning vallarins frábær og veðursældin mikil. Nú erum við í stjórninni að setja alla inn í golfboxið og biðjum við fólk um að sína biðlund, þetta mun allt hafast á endanum.Við minnum á að árgjald okkar er kr. 27.000 sem er það lægsta fyrir aðild að golfboxi og ótakmörkuðu golfi á velli á Íslandi.
Það var kominn tími á nýja og flotta heimasíðu, svo við fengum snillingana frá Allra Átta til að setja upp glæsilega og snjallvæna vefsíðu. Allra Átta hefur smíðað marga flotta vefi og sérhæfa sig í vefsíðugerð, leitarvélabestun, wordpress vefhýsingu og allri almennri markaðssetningu á netinu.
Vefurinn keyrir á WordPress og sér Allra Átta um að hann sé í öruggri hýsingu.
Við þökkum fyrir nýja vefinn og vonum að hann þjóni núverandi og verðandi skátum með glæsibrag.
Vefur Allra Átta er hér: www.8.is
Nýlegar athugasemdir